//-->
d’w. nuss vo bümpliz geit dür d’strass liecht & flüchtig, wie nes gas so unerreichbar höch bockstössigi himbeerbuebeschüüch & brav wie schaf schön fönfrisiert chöme tubetänzig nöch & d’spargle wachse i bluetjung morge d’sunne chunnt’s wird langsam warm
sie het meh als hundert ching & jede früehlig git’s es nöis het d’chilchefänschterouge off & macht se zue be jedem kuss & we sie lachet wärde bärge zu schtoub & jedes zäihe läderhärz wird weich
d’w. nuss vo bümpliz isch schön wie es füür i dr nacht win e rose im schnee we se gseh duss im bümpliz de schlat mir mys härz hert i hals & i gseh win i ungergah
si wohnt im ne huus us glas hinger türe ohni schloss gseht dür jedi muur dänkt wi nes füürwärch win e zuckerstock läbt win e wasserfau für sie git’s nüt, wo’s net git & aus wo’s git, git’s nid für ging sie nimmt’s wie’s chunnt & lat’s la gah Patent Ochsner Lyrics W. Nuss Vo Bümpliz Lyrics
